Iða Brá Benediktsdóttir var áður forstöðumaður einkabankaþjónustu Arion
Iða Brá Benediktsdóttir hefur verið ráðin framkvæmdastjóri fjárfestingarbankasviðs Arion banka. Tekur hún við starfinu af Halldóri Bjarkar Lúðvígssyni sem nýverið hætti störfum hjá bankanum, að því er fram kemur í tilkynningu frá bankanum.
Iða Brá hefur starfað hjá Arion banka og forverum hans frá árinu 1999 þegar hún hóf störf í greiningardeild bankans. Hún hefur gegnt ýmsum störfum hjá bankanum en starfaði lengi sem forstöðumaður í fjárstýringu bankans. Undanfarin ár hefur Iða Brá gengt starfi forstöðumanns einkabankaþjónustu Arion banka en þar áður stýrði hún samskiptasviði bankans. Iða hefur setið í stjórnum nokkurra fyrirtækja; Sparisjóðs Ólafsfjarðar, AFL – sparisjóðs, fasteignafélagsins Landfestum og HB Granda.