Nánast er útilokað að flokkarnir fimm sem rætt hafa með óformlegum hætti um myndun nýrrar ríkisstjórnar að undirlagi Pírata, hefji stjórnarmyndunarviðræður. Frá þessu greinir Kjarninn.

Píratar hafa rætt við VG, Samfylkingu, Bjarta framtíð og Viðreisn um möguleikann á myndun ríkisstjórn. Kjarninn segir að himinn og haf skilji að VG og Viðreisn í mörgum veigamiklum málum. Viðreisn stendur fast á því að fara svokallaða uppboðsleið í sjávarútvegi og hafna með öllu tugmilljarða innspýtingu í velferð og innviði sem VG vill ráðast í – með hækkun á sköttum og gjöldum.

Á þessum málum steytti síðast þegar flokkarnir ræddu saman, og á þeim steytir enn, að sögn Kjarnans.