Biður fólk að fylgja eðlisávísun sinni
Lögreglan á höfuborgarsvæðinu varar við íbúðasvindli á vinsælum vefsíðum eins og bland.is, mbl.is og airbnb. Lögreglan birti ábendingar fyrir almenning á Facebook síðu sinni, um hvernig hægt er að verja sig gegn svindli.
„Varastu öll frávik í eðlilegum samskiptum eins og með leigu á húsnæði. Ef þú hefur tök á þá skaltu alltaf skoða húsnæðið fyrst. Ef þú ert að leigja erlendis þá borgar sig að fara í gegn um trausta aðila og aldrei samþykkja samskipti eftir öðrum leiðum eða senda greiðslu utan kerfis.
Ef íbúðin er erlendis þá getur þú notað google maps til að skoða umhverfið og meta hvort að þetta sé rétt. Þá er líka skynsamlegt að skoða notkunarskilmála eins og hjá Airbnb sem tryggja viðskiptin en aðeins ef þau eru innan kerfis þeirra.
Ef þú færð skilaboð sem þér finnast tortryggileg þá skaltu leita þér ráða og fylgja eðlisávísun þinni.“
Lögreglan tekur þó fram að flestar íbúðaauglýsingar séu sem betur fer heiðarlegar og mbl.is og bland.is bregðist yfirleitt fljótt við ef upp kemst að verið sé að misnota þjónustu þeirra. Lögreglan biður fólk að hafa samand á abendingar@lrh.is eða senda sér einkaskilaboð á Facebook verði það vart við svind.
Hér að neðan er tilkynningin í heild: