Forsetinn fyrrverandi var borinn til grafar í gær
Bróðir Fídel Castro og núverandi forseti Kúbu Raúl Castro, hefur gefið út yfirlýsingu þess efnis að bann verði lagt við því að nefna götur eða opinber minnismerki eftir bróður sínum. Þetta gerir hann til að uppfylla ósk bróður síns sem vildi ekki að hann yrði gerður að dýrling eða einhverskonar átrúnaðargoði.
Þúsundir Kúbverja söfnuðust saman á byltingatorginu í Santíagó í gærkvöldi til að kveðja Fídel Castro í hinsta sinn. Eftir dauða Castro þann 25. nóvember síðastliðinn var lýst yfir þjóðarsorg í landinu sem stóð yfir fram að greftrun forsetans fyrrverandi í gær.