Fréttir

Íslandsbanki greiðir 27 milljarða arð til ríkisins

Sérstök arðgreiðsla samþykkt á hluthafafundi í dag – Samtals verið greiddir 37 milljarðar í arð á árinu til íslenska ríkisins

Ritstjórn DV
Þriðjudaginn 20. desember 2016 14:54

Á hluthafafundi Íslandsbanka fyrr í dag var tekin ákvörðun um sérstaka greiðslu arðs að fjárhæð 27 milljarða króna til hluthafa fyrir árslok 2016. Íslenska ríkið er sem kunnugt er eini hluthafi bankans eftir að kröfuhafar Glitnis samþykktu í lok síðasta árs að framselja 95% eignarhlut sinn í bankanum til stjórnvalda. Bankarýsla ríkisins fer með eignarhlutinn fyrir hönd ríkisins.

Í tilkynningu sem Íslandsbanki sem sendi frá sér rétt í þessu segir að almennt viðmið bankans sé að greiða um 40-50% af hagnaði í arð, en í apríl voru greiddir tíu milljarðar í arð til hluthafa. Sú arðgreiðsla samsvaraði um 50% af hagnaði bankans á árinu 2015. Með þessari sérstöku arðgreiðslu hafa núna því samtals verið greiddir 37 milljarðar í arð á þessu ári til íslenska ríkisins.

Eiginfjárhlutfall bankans eftir arðgreiðsluna verður 24,0%, en markmið bankans er að hlutfallið sé meira en 23% sem er vel yfir 19,1% eiginfjárkröfu Fjármálaeftirlitsins. Þá segir í tilkynningunni að vogunarhlutfall bankans verði 15,7% sem sýni hóflega skuldsetningu og telst afar gott í samanburði við evrópska banka. „Lausafjárstaða verður áfram traust og vel umfram innri viðmið og kröfur eftirlitsaðila.“

Hagstæðari fjármagnsskipan

Í tilkynningu bankans er haft eftir Birnu Einarsdóttur bankastjóra að Íslandsbanki hafi viðhaldið öflugum eiginfjár- og lausafjárhlutföllum til að mæta losun fjármagnshafta og mögulegum áföllum í rekstarumhverfi sínu.

„Jákvæð þróun í íslensku efnahagslífi og skynsöm skref til afléttingu hafta, skapa nú tækifæri fyrir Íslandsbanka að ná fram hagstæðari samsetningu á eiginfjárgrunni sínum.

Þrátt fyrir afar hátt eigið fé, hefur Íslandsbanki haldið áfram að skila viðunandi arðsemi af undirliggjandi rekstri. Aðgengi að erlendum fjármagnsmörkuðum er gott og bankinn nú að fullu fjármagnaður á markaði. Endurskipulagningu á lánasafni er lokið. Ábyrg stefna í útlánum hefur aukið gæði lánasafns og vanskil fara lækkandi. Rekstrarumhverfi á Íslandi er hagfellt og lausafjárstaða bankans afar góð. Íslandsbanki er því vel í stakk búinn til að greiða sérstakan arð til eigenda sinna,“ segir Birna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Kötturinn sem Davíð Oddsson dekraði fallinn frá

Kötturinn sem Davíð Oddsson dekraði fallinn frá
Fréttir
Fyrir 2 dögum

Tryggvi fastur á Landspítalanum í átta mánuði – „Börnin eru bara að molna niður“

Tryggvi fastur á Landspítalanum í átta mánuði – „Börnin eru bara að molna niður“
Fréttir
Fyrir 2 dögum

Líkamsárás í Breiðholti – Ökumenn í vímu

Líkamsárás í Breiðholti – Ökumenn í vímu
Fréttir
Fyrir 2 dögum

Slökkvistarf stendur enn yfir á Hvaleyrarbraut – Ekki vitað um eldsupptök

Slökkvistarf stendur enn yfir á Hvaleyrarbraut – Ekki vitað um eldsupptök
Eyjan
Fyrir 2 dögum

Óþægilegt fyrir alla

Óþægilegt fyrir alla
Fréttir
Fyrir 2 dögum

Einn af hverjum þremur Íslendingum les ekki bækur á íslensku

Einn af hverjum þremur Íslendingum les ekki bækur á íslensku
Fréttir
Fyrir 3 dögum

Arnrún lenti í óhugnanlegu atviki: „Hryllir við því hvað hefði getað gerst“ – Hvetur fólk til að fara varlega

Arnrún lenti í óhugnanlegu atviki: „Hryllir við því hvað hefði getað gerst“ – Hvetur fólk til að fara varlega
Fréttir
Fyrir 3 dögum

Harpa – Á meðan ég eldaði kvöldmatinn sprautaði hann sig inni á klósetti og var næstum dáinn

Harpa – Á meðan ég eldaði kvöldmatinn sprautaði hann sig inni á klósetti og var næstum dáinn