Annað nauðgunarmál gegn honum í ákæruferli
Eiríkur Fannar Traustason, sem hefur setið í fangelsi vegna hrottalegrar nauðgunar síðan í fyrra, er enn í leyfi frá afplánun. Þetta er fullyrt í frétt RÚV.. Eiríkur fékk hlé frá afplánun á fimm ára fangelsisdómi vegna fjölskylduaðstæðna. Eiríkur og unnusta hans eignuðst tvíburadrengi í lok september. Drengirnir komu í heiminn 9 vikum fyrir tímann og var annar tvíburinn í bráðri lífshættu eins og DV greindi frá..
Stúlka, sem er fædd árið 2001, kærði Eirík Fannar fyrir kynferðisbrot. Meint brot áttu sér stað yfir nokkurra mánaða tímabil árið 2015. Á vef RÚV segir að meint brot Eiríks Fannars gegn stúlkunni hafi einnig átt sér stað í Hrísey.
Málið er nú á borði héraðssaksóknara Reykjavíkur en stúlkan kærði málið hjá Lögreglustjóranum á Norðurlandi eystra í sumar. Barnavernd og Barnahús hafa sömuleiðis komið að málinu. Ekki liggur enn fyrir hvort formleg ákæra verður gefin út.