Minnst þrettán eru látnir og þrjátíu slasaðir eftir að rúta og flutningabíll skullu saman í Kaliforníu í gær. Að sögn fréttastofu AP varð slysið með þeim hætti að rútunni var ekið aftan á flutningabílinn. Verið var að vinna að viðgerðum á hraðbrautinni þar sem slysið varð sem varð til þess að það hægðist á umferðinni.
Slysið varð skammt norður af Palm Springs en alls voru 44 um borð í rútinni. Lögreglufulltrúinn Jim Abele segir við AP að rannsókn á tildrögum slyssins standi enn yfir. Vinna við viðgerðir á hraðbrautinni hafði staðið yfir í nokkrar klukkustundir þegar slysið varð og hafði hún, að sögn Abele, gengið vel og án slysa áður en að þessu hörmulega slysi kom.