Hafa gefið út bækur í 15 löndum eingungis 17 ára gamlar
Laura Kristine Arnesen og Marie Moesgaard Wivel eru 17 ára menntaskólastelpur í Danmörku. Þær urðu þekktar í Danmörku sem „fléttustelpurnar“ þegar þá gáfu út sína fyrstu bók aðeins 14 ára gamlar. Þær hafa þénað stórfé á útgáfu bóka um fléttur. Danska fréttablaðið BT fjallar um þær í dag.
Stelpurnar segja að þetta hafi byrjað fyrir fjórum árum þegar þær voru einungis 13 ára gamlar. Þær höfðu einstaka ánægju af að flétta hvor aðra og bjuggu sífellt til flóknari hárgreiðslur úr fléttum. Það varð úr að þær stofnuðu Instagram síðu þar sem þær sýndu hvernig á að búa til alls kyns fléttur. Instagram síðan varð fljótt svo vinsæl að stelpurnar fengu tilboð um að gefa út bók. Stelpurnar hafa selt rúmlega 200.000 bækur í Danmörku einni en bækurnar þeirra hafa komið út í 15 löndum.
Laura Kristina og Marie hafa þénað samtals um 2 milljónir danskra króna sem gera um það bil 33, 5 milljónir íslenskra króna. Nú hafa stelpunar lokað instagram síðunni því þær sáu að með auknu álagi urðu flétturnar þeirra síður vandaðar. Þær einbeita sér nú að menntaskólanum enda segja þær að peningar hafi ekki verið ástæðan fyrir því að þær hófu að flétta.