Ófærð var rétt í þessu að vinna Prix Europa verðlaunin sem besta leika þáttaröðin í Evrópu árið 2016. Skarphéðinn Guðmundsson greinir frá þessu á Facebook-síðu sinni.
Þáttaröðin Ófærð fangaði athygli þjóðarinnar og áhorf var mikið og fylgdust nær allir Íslendingar með og veltu vöngum yfir hver hinn kaldrifjaði morðingi væri sem hélt íbúum í bænum í heljargreipum.
Skarphéðinn segir um þennan mikla heiður:
„Þvílíkur heiður að fá að veita verðlaununum viðtöku hér í Berlín. Ekki hvað síst vegna þess að hinar tilnefndu seríurnar eru hver annarri betri.
Til hamingju aðstandendur Ófærðar og félagar á RÚV. Meiriháttar afrek hjá Balta, Magga Viðari, Sigurjóni, hinum leikstjórunum og co hjá RVK STUDIOS og meiriháttar afrek fyrir íslenska kvikmyndagerð og íslenskt sjónvarp! Áfram við!“