Hæstiréttur sneri á miðvikudag við úrskurði Héraðsdóms Reykjavíkur og dæmdi erlendan karlmann í mánaðarlangt gæsluvarðhald fyrir að skríða undir öryggishlið á hafnarsvæði í Reykjavík. Maðurinn, sem er hælisleitandi, ætlaði að smygla sér um borð í skip sem sigla átti til Bandaríkjanna. Héraðsdómur taldi ekki ástæðu til að úrskurða hann í gæsluvarðhald en maðurinn hafði fallist á það sjálfur í ljósi slæms aðbúnaðar.