Ný stikla fyrir nýjustu Star Wars-myndina Rouge One: A Star Wars story var frumsýnd á Facebook í dag og hefur þegar vakið upp mikla eftirvæntingu. Íslands er í aðalhlutverki í byrjun stiklunnar en þar má sjá atriði frá æsku aðalsöguhetjunnar Jyn Erso og fjölskyldu hennar. Greinilegt er að náttúra landsins á að endurspegla heimaplánetu Erso.

Þá er sterklega gefið í skyn að faðir Jyn, Galen Erso, sem danski stórleikarinn Mads Mikkelsen leikur, sé sá sem hannar hið alræmda Helstirni (e. Death Star).

Rogue One er ein af mörgum myndum sem er væntanleg úr Star Wars heiminum. Hún gerist í raun áður en gömlu myndirnar komu út (á milli Episode III og Episode IV) og fjallar um hóp uppreisnarmanna sem stela teikningunum að Helstirninu.

Atriðin sem frá Íslandi sem senn birtast á hvíta tjaldinu voru tekin hérlendis í fyrra. Meðal annars við Hjörleifshöfða og Hafursey. Íslenska fram­leiðslu­fyr­ir­tækið Tru­e N­orth var tök­uliðinu inn­an hand­ar hér á landi.