Nú stendur yfir bein útsending frá flokksþingi Framsóknarflokksins sem er haldin í Háskólabíói í dag og á morgun. Klukkan 11 heldur Sigmundur Davíð Gunnlaugsson, formaður flokksins, ræðu þar sem farið er yfir víðan völl. Bæði er viðkemur starfi Framsóknarflokksins en að auki ræddi Sigmundur stuttlega um einkalíf sitt.

Í framhaldinu, eða klukkan 12 á hádegi, heldur Sigurður Ingi Jóhannsson, varaformaður flokksins og forsætisráðherra,15 mínútna ræðu.

Miðstjórn Framsóknar bauð til flokksþings nú í aðdraganda alþingiskosninga. Tilgangurinn er að kjósa forystu flokksins á morgun.

Mikil spenna er á fundinum vegna þeirra kosninga enda gefa formaður og varaformaður flokksins báðir kost á sér til formennsku.

Þá tilkynnti Gunnar Bragi Sveinsson í gærkvöld að hann gæfi kost á sér til ritara.

Hér getur þú fylgst með fundinum í beinni.