Útlendingastofnun vísaði fjórum mönnum úr landi sem eru taldi vera meðlimir í vélhjólaklúbbi á Norðurlöndum í gær. Mennirnir, sem voru í mótorhjólagenginu Bandidos, samkvæmt heimildum DV, fóru af landi brott í dag.

Mennirnir komu með flugi til Keflavíkurflugvallar í gær, en ekki fengust upplýsingar um það frá hvaða landi mennirnir væru.

Samkvæmt upplýsingum lögreglu á Suðurnesjum var mönnunum vísað úr landi á grundvelli allsherjarreglu, en fjölmörgum meðlimum vélhjólasamtaka hefur verið vísað úr landi á síðustu árum.