Nektarmyndir af kornungum íslenskum stúlkum

„Mér sýnist að fæstar þeirra vita að það sé verið að skoða myndir af þeim“

„Koma svo allir ... gerum bestu möppu allra tíma,“ er skrifað á vefsíðu þar sem óskað er eftir myndum af léttklæddum íslenskum stúlkum. „Eiga að vera til nudes af henni,“ er skrifað undir einni mynd á síðunni en áhyggjufull móðir hafði samband við DV.is og á vart til orð yfir þessari hegðun. „Mér sýnist að fæstar þeirra vita að það sé verið að skoða myndir af þeim. Ég er þó ekki viss um að það sé algilt,“ segir móðirin sem vildi ekki láta nafn síns getið sökum þess að óskað er eftir myndum af dóttur hennar á þessari síðu og fylltist óhug þegar hún komst að þessu.

Lokað hefur verið fyrir ýmsar síður þar sem kynferðislegu efni af íslenskum stúlkum er dreift og einnig dreifing þess stöðvuð. Móðirin segir að það verði að koma af stað umræðu um þessar síður til að stöðva þessa dreifingu. „Þetta eru eflaust í mörgum tilfellum sömu gaurarnir,“ segir móðirin sem hefur látið lögregluna á höfuðborgarsvæðinu vita af síðunni. „Það þýðir ekkert annað, þá verða þeir hræddir og skríða ofan í holurnar sínar. En þeir auðvitað halda áfram, þeir stoppa ekkert,“ segir móðirin.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.