Varhugavert ástand í Laugardal vegna sinuelda

Almannavarnanefnd Vestfjarða fundar í kvöld vegna sinueldana á Hrafnabjörgum í Laugardal í Ísafjarðardjúpi sem hafa logað síðan á föstudag. Í samtali við vef Morgunblaðsins sagði Ómar Már Jónsson, sveitarstjóri Súðavíkurhrepps, að eldurinn hefði frekar breitt úr sér og ástandið orðið fremur varhugavert. Þyrla Landhelgisgæslunnar var kölluð vettvang í dag og hefur slökkviliðið í Súðavík notið aðstoðar slökkviliðsins á Ísafirði við slökkvistarfið.