Eldur í Steikhúsinu

Rétt fyrir miðnætti í gærkvöldi var lögreglu var tilkynnt um eld í Steikhúsinu við Tryggvagötu, það var um minniháttar bruna að ræða. Glóð hafði komist í tréstoðir í gipsvegg og talsverður reykur myndaðist.

Slökkvilið rauf vegginn og slökkti í glóðinni.

Vaktin hjá Lögreglunni á Höfuðborgarsvæðinu var fremur róleg. Einn ökumaður var tekinn grunaður um ölvun við akstur og annar ökumaður var tekinn grunaður um akstur undir áhrifum fíkniefna.