„Var bara algjör demantur“

Henný var 17 ára þegar hún dó í bílslysi
Viktoría Hermannsdóttir viktoria@dv.is
08:00 › 4. ágúst 2012

„Hún var rosalega dugleg og góð stelpa. Hún hafði mikinn áhuga á hestum, ferðalögum og útiveru. Hún var mjög vinamörg og var bara algjör demantur sem skilur eftir svo góðar minningar sem hjálpa okkur í sorginni.“

Svona lýsir Kristrún Antonsdóttir dóttur sinni, Þorbjörgu Henný Eiríksdóttur, eða Henný eins og hún var alltaf kölluð. Henný var aðeins 17 ára gömul þegar hún dó í bílslysi þann 12. október síðastliðinn. Henný var á leið í Menntaskólann á Egilsstöðum þar sem hún stundaði nám þegar slysið átti sér stað á veginum um Fagradal á milli Reyðarfjarðar og Egilsstaða, rétt fyrir ofan Grænafell. Fólksbíll, sem Henný ók, skall framan á vöruflutningabifreið sem kom úr gagnstæðri átt. Henný lést samstundis en vinkona hennar sem einnig var farþegi í bílnum lifði slysið af. Mikil hálka var á veginum og talið er að Henný hafi misst stjórn á bílnum af þeim sökum.

Í helgarblaði DV er nánar fjallað um banaslys í umferðinni. Undanfarin áratug eða síðan árið 2002 hafa 196 dáið í umferðarslysum en um 1000 manns hafa látið lífið í slíkum slysum hér á landi síðan að skráning hófst árið 1966. Þá eru ótaldir þeir sem hafa slasast alvarlega en það eru um 10.000 manns.

Meira »


Gleymt lykilorð?

Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.