Sérsveitin kölluð til vegna skothvells

Lögreglunni í Hafnarfirði var tilkynnt um skothvell í Garðabæ síðdegis. Samkvæmt upplýsingum sem fram koma á vef RÚV var hleypt af byssu inni í einbýlishúsi við Sunnuflöt. Lögregla brást við tilkynningunni og sérsveit var kölluð til.

Einn maður var handtekinn og enginn slasaðist. Hverfinu var lokað um tíma en um þrjátíu lögreglumenn tóku þátt í aðgerðinni. Að sögn Leifs Gauta Sigurðssonar, varðstjóra í Hafnarfirði er aðgerðum nú lokið. Málið er til rannsóknar.