„Fólk söng og dansaði í rigningunni“

Gleðiganga Hinsegin daga heppanðist vel
Jóhann Páll Jóhannsson johannp@dv.is
17:55 › 11. ágúst 2012

Fjöldi Íslendinga lét ekki rigninguna stöðva sig þegar hin árlega gleðiganga fór fram með pomp og prakt í Reykjavík í dag. Að sögn Ástu Kristínar Benediktsdóttur, göngustjóra hátíðarinnar var fólk í sólskinsskapi. „Fólk söng og dansaði í rigningunni. Það var rífandi stemning í bænum,“ sagði hún og bætti því við að tónleikarnir hefðu heppnast vel.

Fjöldi fólks lagði leið sína í miðborg Reykjavíkur í dag til að taka þátt í hinni árlegu gleðigöngu Hinsegin daga. Tónleikar á Arnarhóli hófust klukkan 15:30 og meðal skemmtikrafta voru Páll Óskar, Sigga Beinteins, Friðrik Ómar, Blár Ópal, Birna Björns, Þórunn Antonía, Friðrik Dór, Helgi Björnsson, Hafsteinn Þórólfsson, Viggó & Víóletta og BETTY frá Bandaríkjunum.

Stuðið heldur svo áfram á Broadway í kvöld þar sem meðal annars Páll Óskar ætlar að stíga á stokk.


Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.