Á meðan milljónir íbúa Norður-Kóreu líða gríðarlegan skort og eiga vart í sig né á virðist Kim Jong-Un leiðtoga þjóðarinnar ekki muna um að splæsa ríkulega á nýbakaða eiginkonu sína.
Í nýlegri heimsókn á herstöð náðist mynd af hjónakornunum þar sem þau sátu í forsælunni og börðu hernaðaræfingar svokallaðrar hersveitar númer 552 augum og líkaði vel.
Nágrannar þeirra í suðri virðast nú hafa lagst í að kryfja þessa mynd sem stjórnvöld í norðri sendu út í gegnum ríkisfjölmiðil sinn enda má sjá að Ri Sol-Ju er með dýrindis handtösku sér við hlið í sætinu.
Og niðurstaðan er sú að þarna sé leiðtogafrúin með lúxusveski frá Christian Dior sem þykir hin mesta munaðarvara í hinum vestræna heimi. En töskur sem þessar, að því gefnu að þær séu ekta, geta kostað sem nemur allt að 180 þúsund krónum. Það er svipuð upphæð og meðalverkamaðurinn í hinu fátæka ríki Kim Jong-Un getur vænst að þéna á heilu ári.
En slíkur samanburður hefur sjaldnast truflað einræðisherra Norður-Kóreu sem lifað hafa í vellystingum um áratugaskeið meðan 24 milljónir þegna þeirra lifa í sárri fátækt.
Blóðugt uppgjör í Seljahverfi
Alþingiskosningar 2013