Huang Nubo: „Íslendingar eru sjúkir og veikgeðja“

Kínverski fjárfestirinn sem vildi kaupa Grímsstaði á Fjöllum
Aðalsteinn Kjartansson adalsteinn@dv.is
13:41 › 21. júlí 2012

Kínverski fjárfestirinn Huang Nubo telur Íslendinga vera sjúka og veikgeðja. Þetta kom fram í máli hans þegar hann hélt ræðu fyrir nemendur í CEIBS viðskiptaháskólanum í Shanghai um áramótin.

„Íslendingar eru sjúkir og veikgeðja,“ hafði bandaríska dagblaðið Washington Times eftir Nubo í janúar. „Þeir eru hræddir í návist frambærilegs ungs manns,“ bætti hann við.

Í ræðu sinni lýsti hann yfir óánægju sinni með ákvörðun íslenskra stjórnvalda um að hafna umsókn hans um leyfi til að kaupa Grímsstaði á Fjöllum en hann hyggst nú gert leigusamning um svæðið. Ræðuna flutti hann við hátíðlega athöfn í háskólanum eftir að hafa nýverið styrkt skólann um jafnvirði tæplega 200 milljóna króna.


Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.