„Þetta er kálið sem þið borðið á Burger King“

Það tók 15 mínútur að finna starfsmanninn sem traðkaði á káli á Burger King
Ritstjórn DV ritstjorn@dv.is
13:14 › 18. júlí 2012

Það tók aðeins fimmtán mínútur að opinbera hvaða starfsmaður skyndibitastaðarins Burger King birti mynd af sér þar sem hann traðkaði á káli sem átti að fara í rétti viðskiptavina staðarins.

„Þetta er kálið sem þið borðið á Burger King,“ var skrifað við myndina sem birtist á vefsíðunni 4chan.

Notendum vefsíðunnar blöskraði myndin. Þeir notuðust því við GPS-upplýsingar sem fylgdu myndinni til að finna út hvar hún var tekin.

Haft var samband við fjölmiðla og innan skamms var búið að finna sökudólginn. Þeir sem tóku þátt í að góma starfsmanninn spöruðu ekki stóru orðin.

„Njóttu þess að vera rekinn,“ skrifaði einn. „Ég var að tala við yfirmanninn í gegnum síma. Hann er brjálaður,“ skrifaði annar.

Starfsmaðurinn vann á Burger King-staðnum í Mayfield í Cleveland í Bandaríkjunum. Hann var rekinn ásamt vaktstjóranum.


Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.