Nafn mannsins sem lést

Maðurinn sem lést í umferðarslysi á laugardag í Vatnsskarði hét Björgvin Smári Jónatansson. Hann var á 63. aldursári og var búsettur á Akureyri.

Bifreið hans lenti utan vegar á Vatnsskarði eftir hádegi á laugardag. Samkvæmt upplýsingum frá lögreglunni á Blönduósi var maðurinn úrskurðaður látinn á slysstað.

Maðurinn var einn í bifreiðinni þegar slysið átti sér stað en tildrög slyssins eru ókunn og rannsókn slyssins ekki enn lokið.