„Hann bjargaði lífi hennar“

Fjölskylda vill þakka manni sem beitti konu hjartahnoði við N1 í Hveragerði
Ritstjórn DV ritstjorn@dv.is
10:41 › 16. júlí 2012

„Það er engin spurning, hann bjargaði lífi hennar,“ segir Bryndís Vilbergsdóttir, systir konu sem fékk hjartastopp við N1 bensínstöðina í Hveragerði 8. júlí síðastliðinn. Bryndís og fjölskylda leita nú að manninum sem beitti systur hennar hjartahnoði í um tíu mínútur þar til sjúkraliðar mættu á vettvang. Hefur orðsending gengið á samfélagsmiðlinum Facebook þar sem mannsins er leitað svo fjölskyldan geti þakkað honum fyrir lífsbjörgina.

„Það var þarna fólk sem dreif að og þessi maður fór að hnoða hana,“ segir Bryndís í samtali við DV.is en systur hennar heilsast vel og er komin af gjörgæslu og yfir á hjartadeild.

Segir Bryndís að maðurinn sé líklegast ekki frá Hveragerði og kannaðist starfsfólk N1 ekki við hann. Telur Bryndís hann líklegast hafa átt leið hjá líkt og systir sín.

Biður Bryndís þá sem þekkja til mannsins um að hafa samband við sig í síma 848-1735.


Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.