Árið 2024 mun flugvöllurinn í Vatnsmýrinni heyra sögunni til ef marka má áætlanir Reykjavíkurborgar. Í fréttatíma Stöðvar 2 var rætt við Dag B. Eggertsson, formann borgarráðs, sem sagði Reykjavíkurborg ætla að þétta byggð á næstu átján árum og eiga meðal annars sjö þúsund íbúðir að rísa í Vatnsmýrinni.
Ögmundur Jónasson innanríkisráðherra sagði í fréttatíma Stöðvar 2 í gærkvöldi að það væri útilokað að flugvöllurinn fari úr Vatnsmýrinni án samþykkis ríkisins því það á landið að mestu.
Dagur B. Eggertsson minnti Ögmund á í kvöldfréttum Stöðvar 2 að það væri Reykjavíkurborg sem fer með skipulagsvald á svæðinu og það verði ráðherra að virða eins og aðrir.
Eftir fjögur ár verður flugbrautum á Reykjavíkurflugvelli fækkað og er gert ráð fyrir að hann muni víkja í áföngum á árunum 2016 til 2024.
Alþingiskosningar 2013
Blóðugt uppgjör í Seljahverfi