Hallgrímur: Þóra fékk hámarksfylgi kvennaframboðs

Rithöfundurinn Hallgrímur Helgason, einn dyggasti stuðningsmaður framboðs Þóru Arnórsdóttur, sem laut í gras fyrir Ólafi Ragnari í kosningum gærdagsins, segist þakklátur fyrir hugrekki Þóru. Hann segir nánar tiltekið á fésbókarsíðu sinni:

„Við ættum ekki að skilja við framboð Þóru með súrt a vör. Árangur hennar er umtalsverður. Hún fékk nánast sama prósentufylgi og Vigdís fékk á sínum tíma. Nú var "kallinn" hinsvegar einn um rest. Kannski er þetta bara hámarksfylgi sem kvennaframboð af þessu túni þjóðfélagsins getur fengið? Þökkum Þóru hugrekkið og verum glöð.“