Pólverjar vilja ekki evruna

Aðeins ríflega einn af hverjum tíu Pólverjum vill að landið gerist aðili að evrusvæðinu. Þetta leiðir ný skoðanakönnun í ljós sem vefurinn euobserver.com greinir frá.

Pólverjar eru í Evrópusambandinu og hafa skuldbundið sig til að taka upp evruna. Andstæða þegnanna við þau áform breytir litlu eða engu þar um. Könnunin sýndi að 58 prósent eru beinlínis andsnúin upptöku evrunnar.