Yfirdráttarlán jafn há nú og fyrir hrun

Hver fjárráða einstaklingur skuldar nú að meðaltali 300 þúsund krónur í yfirdrátt að því er fram kom í kvöldfréttum Stöðvar 2 þar sem greint var frá því að yfirdráttarlán hafa nærri tvöfaldast á síðustu þremur árum og eru nú svipuð og þau voru síðustu mánuðina fyrir fall bankanna árið 2008.

Hafa yfirdráttarlán hækkað um rúma fimm milljarða frá áramótum og voru 74 milljarðar í lok apríl.

Yfirdráttarlánin fóru hæst í 78 milljarða í september árið 2008 en fóru lægst niður í 48 milljarða í júlí árið 2009.