Hélt framhjá í eigin brúðkaupi

Það entist ekki lengi hjónasælan hjá austurrískum nýgiftum hjónum. Brúðguminn var nefnilega gómaður í sjálfri brúðkaupsveislunni við að gera sér dælt við unga þjónustustúlku. Raunar voru þau gripin glóðvolg í hvílubrögðum.

Það var nýi tengdafaðir hans sem kom parinu. Fauk svo í hann að hann rak alla gestina heim með miklum látum og sagði svo dóttur sinni frá málavöxtum.

Að sögn brúðgumans var þó Bakkus að verki. Segist hann hafa drukkið svo mikið að dómgreind hans bar skaða og þjónustustúlkan varð óstjórnlega freistandi.

Brúðurin situr eftir með sárt ennið, en þar sem hjúskaparvottorðið var undirritað og allt löglegt þarf hún að bíða næstu sex mánuðina eftir skilnaði samkvæmt lögum og reglum um hjónaband í Austurríki.

Huffington Post greinir frá