Á svipuðum tíma og kröfuhafar eignarhaldsfélags í eigu Péturs Guðmundssonar þurftu að afskrifa 3,5 milljarða króna vegna skuldar sem ekkert fékkst upp í hjá fyrirtækinu lauk byggingu 80 milljóna króna sumarbústaðar Péturs.
Óvíst er hvert markaðsvirði bústaðarins er en brunabótamatið hljóðar upp á áðurgreinda upphæð. Sumarbústaðurinn er í Grímsnes- og Grafningshreppi og er samkvæmt Fasteignaskrá 260 fermetrar.
Sumarbústaðurinn er með stærri sumarbústöðum landsins þó hann sé án efa ekki sá stærsti. Hann er á landinu Kiðjabergi og eru nokkrir aðrir sumarbústaðir í grenndinni. Bústaðurinn var kominn á teikniborðið um miðjan síðasta áratug en samkvæmt fasteignaskráningu varð Pétur eigandi að honum fyrripart ársins 2011. „Er ekki í lagi heima hjá þér?“ spurði Pétur þegar blaðamaður leitaði eftir upplýsingum um sumarhúsið áður en hann skellti á.
Meira um málið í DV í dag.
Blóðugt uppgjör í Seljahverfi
Alþingiskosningar 2013