Tekjur 59 fjölskyldna dugðu ekki fyrir sköttum árið 2010 og munaði þar tæplega 400 milljónum króna. Fjölskyldurnar voru með 430 milljónir króna í tekjur en þær greiddu 829 milljónir í skatta. Þetta kemur fram í Tíund, blaði sem gefið er út af Ríkisskattstjóra.
Ljóst er að fjölskyldurnar þurftu að greiða af sparnaði eða selja eignir til að standa straum af skattinum sem lagður er á þær. Auðlegðarskattur sem lagður var á í fyrsta skipti eftir hrun er líklegasta skýringin á því að fólk þurfi að borga meiri skatt en það hefur í árstekjur.
Fjölskyldurnar 59 sem hér um ræðir áttu 30.513 milljónir króna í eignir á móti aðeins 829,4 milljóna króna skuldum. Auðugasta eitt prósent fjölskyldna áttu síðan einar og sér 503.016 milljónir króna, sem var 14,5 prósent af öllum eignum í landinu, saman borið við 14,8 prósent árið 2007.
Hemmi Gunn fallinn frá