Banaslys á Ólafsfjarðarvegi

Banaslys varð á Ólafsfjarðarvegi á milli Hringvegar og Hörgárbrúar um miðnætti í gærkvöldi, þegar bíll, sem karlmaður á þrítugsaldri ók, lenti út af veginum og fór nokkrar veltur. Ökumaðurinn var einn á ferð en hann var fluttur á sjúkrahúsið á Akureyri þar sem hann var úrskurðaður látinn.

Samkvæmt frétt Vísis eru tildrög slyssins ókunn en lögreglan á Akureyri og Rannsóknarnefnd umferðaslysa rannsaka málið.