Það verður tuttugu krónu afsláttur af eldsneyti á ÓB-stöðvum frá miðnætti. Tilboðið stendur í sólarhring fyrir þá sem eru með ÓB-lykil en fyrirtækið lofaði því að veita afslátt eftir því í hvaða sæti Ísland myndi enda Í söngvakeppni evrópskra sjónvarpsstöðva Eurovision. 19. – 20. sætið var staðreyndin og því verður 20 króna afsláttur af eldsneyti á ÓB-stöðvum fyrir þá sem eru með ÓB-lykil, að sögn markaðsstjóra Olís, sem rekur ÓB, Sigurðar K. Pálssonar.
„Það verður 20 króna afsláttur. Við vonumst til að þetta verði orðið virkt,“ segir Sigurður í samtali við DV.is. Ef bensínlaust verður á ÓB-stöðvum geta handhafar ÓB-lyklanna dælt eldsneyti á Olísstöðvum.
„Við vorum nú bara að reyna að búa til stemningu í kringum ÓB og Eurovision,“ segir Sigurður K. aðspurður hvort þeir hjá ÓB og Olís hafi verið bjartsýnir á árangur Íslendinga í Eurovision. „Við höfum gert þetta áður í kringum stórmót í handbolta. Þannig að við höfum leikið okkur að þessu áður og fellur þetta vel að markaðsherferð ÓB,“ segir Sigurður.
Ísland hafnaði sem fyrr segir í 19-20. sæti með 46 stig en það voru Svíar sem unnu þessa keppni með miklum yfirburðum.
Alþingiskosningar 2013
Blóðugt uppgjör í Seljahverfi