„Í guðanna bænum ekki vinna í Eurovision“

Spánverjar of blankir til að halda keppnina
Ritstjórn DV ritstjorn@dv.is
22:08 › 24. maí 2012

Skilaboðin til spænsku söngkonunnar Pastora Soler sem flytur framlag Spánar í Eurovision söngvakeppninni frá forsvarsmönnum spænsku ríkissjónvarpsstöðvarinnar TVE voru tiltölulega einföld; í guðanna bænum ekki vinna keppnina í Baku.

Ástæðan er sú að óvíst er hvort Spánn hafi nokkur efni á að halda Eurovision keppnina með góðu móti fari svo að Spánn sigri á laugardagskvöldið. Sjálf hefur söngkonan áhyggjur og vonar sjálf að Spánn fari ekki með sigurinn af hólmi enda sé efnahagur landsins ekki með þeim hætti að hægt sé að eyða milljörðum króna í söngvakeppni.

„Ég held að þetta sér ekki andartakið til að vinna keppnina hvorki fyrir Spán né spænskan almenning.“ lét hún eftir sér hafa í útvarpsviðtali fyrr í dag. „Ég held það yrði ómögulegt fyrir okkur að halda keppnina að ári því það yrði einfaldlega of dýrt.“


Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.