Slökkvilið höfuðborgarsvæðisins var kallað út laust fyrir klukkan átta í kvöld þar sem tilkynnt var um eldsvoða í húsi við Eikjuvog í Reykjavík.

Tvær manneskjur voru í húsinu þegar eldurinn kom upp en náðu að forða sér út áður en slökkvilið bar að garði.

Slökkviliðið náði fljótt tökum á eldinum og var unnið að því að reykræsta húsið nú fyrir stundu. Ekki er vitað hvort heimilisfólkið hafi sakað í brunanum. Eins og sjá má á meðfylgjandi mynd urðu talsverðar skemmdir á húsinu.