Þyrla Landhelgisgæslunnar var kölluð út til að sækja erlendan ferðamann sem slasaðist á göngu. Greint er frá þessu á vef Ríkisútvarpsins en ferðamaðurinn er breskur og sagður vera norðarlega á Sprengisandsleið, skammt frá vaðinu í Bergvatnskvísl. Hann er sagður handleggsbrotinn og eru björgunarsveitir úr Eyjafirði á leiðinni á vettvang.

Á vef Ríkisútvarpsins er greint frá því að ekki sé víst að þyrlan komist á staðinn vegna hvassviðris.