Fyrsti þingmaður Suðurkjördæmis, Björgvin G. Sigurðsson, upplýsti á opnum fundi í Árborg í gær að lífeyrissjóðirnir myndu sjá um að fjármagna Hverahlíðavirkjun á Hellisheiði, en ekki Orkuveita Reykjavíkur. Þetta kemur fram í frétt Fréttablaðs Suðurlands, sem greinir frá þessu í dag.

Fyrirhuguð virkjun felur í sér vinnslu jarðhita, borholur og borteiga, vatnsveitu, gufuveitu, skiljustöðvar, vélasali, kæliturna, niðurrennsliveitu og efnistöku. Björvgin sagði að nýja fyrirkomulagið væri hið besta mál og sagðist telja að slegist verði um orkuna frá virkjuninni.