Átta einstaklingar gistu fangageymslur lögreglunnar á höfuðborgarsvæðinu í nótt. Talsvert var um útköll vegna hávaða og pústra á milli manna. Auk þess voru þrír teknir grunaðir um ölvunarakstur og þrír teknir grunaðir um akstur undir áhrifum ávana og fíkniefna.Einn þessara ökumanna reyndist ekki vera með ökuréttindi.

Í dagbók lögreglunnar kemur einnig fram að einn maður hafi verið handtekinn eftir slagsmál á skemmtistaðnum Spot í Kópavogi og að tilkynnt hafi verið um innbrot í bifreið við Hofgarða. Enn er þó ekki ljóst hvort einhverju hafi verið stolið úr bifreiðinni. Þá var einnig tilkynnt um innbrot í íbúð í austurborginni.