Hundurinn Kolla hvarf af heimili sínu í Hafnarfirði klukkan 11 í gærmorgun. Um er að ræða árs gamla svarta tík með hvíta bringu. Lögreglu, hundaeftirliti og hundagæslunni að Leirum auk dýraspítalans í Garðabæ hefur verið tilkynnt um atvikið auk þess sem fjöldi fólks hefur vakið athygli á hvarfinu á Facebook.

Enn hefur fundurinn ekki fundist en samkvæmt eiganda hans hænist hann fljótt að fólki og er einstaklega auðveldur í umgengni. Hundurinn er með hálsól. Eigandinn biður þá sem hafa orðið varir við hundinn eða hafa grunsemdir um hvar hann sé niðurkominn að tilkynna honum eða lögreglu það. Hægt er að ná í eigandann í síma 695 2662.