Búið er að fella niður seinni ferð Herjólfs í dag vegna veðurs. Gert er ráð fyrir allt að 28 metrum á sekúndu í vindhraða og sex metra ölduhæð á leiðinni. Ekki er gert ráð fyrir öðru en að skipið sigli á milli lands og Vestmannaeyja á morgun en veðurspáin þá er betri.

Þetta kemur fram á heimasíðu Herjólfs en þar eru farþegar sem bókað eiga far með skipinu hvattir til að fylgjast með fréttum á herjolfur.is, Facebook-síðu skipsins eða síðu 415 í Textavarpinu.