Rétt fyrir miðnætti varð harður árekstur á gatnamótum Breiðholtsbrautar og Stekkjabakka þegar jeppi og smábíll skullu saman.

Að sögn vitna að slysinu var jeppanum ekið á móti rauðu ljósi við gatnamót Stekkjabakka andartökum fyrir áreksturinn.

Smábíllinn skemmdist mjög mikið og þurfti klippur til að ná ökumanni hans út. Samkvæmt upplýsingum frá lögreglu voru skilyrði afar slæm sökum myrkurs og rigningar. Í ljós kom að ökumaður jeppans hafði fengið ökuskírteini fyrr um daginn.

Blessunarlega fyrir þann unga mann þá er talið að ökumaður smábílsins hafi sloppið betur en á horfðist en báðir bílarnir eru óökufærir.