Karlmaður var stunginn með hníf í síðuna eftir deilur í heimahúsi í Kópavogi laust fyrir klukkan fjögur í nótt. Lögreglan var kölluð á vettvang og var tvítugur karlmaður handtekinn. Kona á svipuðum aldri var handtekinn einnig en maðurinn sem varð fyrir hnífstunguárásinni var fluttur með hraði á sjúkrahús. Reyndist hann með skurði víðar um líkamann til viðbótar við stungusárið.

Samkvæmt upplýsingum DV gekkst fórnarlambið, sem mun vera maður á fertugsaldri, undir aðgerð á Landspítalnum vegna áverkanna. Stungan var djúp og hættuleg.

Mjög erilsamt var hjá lögreglunni á höfuðborgarsvæðinu í nótt en 40 mál voru bókuð frá miðnætti til klukkan sex í morgun.