Slitastjórn Kaupþings heimsótti loks geymsluhúsnæði Kaupþingsstjórnendanna fyrrverandi Ingólfs Helgasonar og Steingríms P. Kárasonar á dögunum. Var talið að í geymslunni leyndust mikil verðmæti, meðal annars bílar, vélsleðar og eðalvín að verðmæti hundruð milljóna.

Í Fréttablaðinu í dag segir hins vegar frá því að heimsóknin í geymsluna hafi verið hin mesta fýluferð fyrir slitastjórnina sem barist hafði mánuðum saman fyrir því hjá sýslumanni og dómstólum að fá aðgang að húsnæðinu á Smiðshöfða.

Fréttablaðið segir að þarna hafi einungis verið að finna búslóðir á vegum Kaupþingsmannanna fyrrverandi og annarra sem ekki eru taldar mjög verðmætar. Þá fannst bilaður bíll, árgerð 2004 sem þegar hafði verið kyrrsettur og ekkert bólaði á hinum fokdýru flöskum af eðalvíni sem þar áttu að vega í tugatali.