Lík fimm ára telpu fannst í flaki Costa Concordia í dag. Ekki er vitað hvort foreldrar telpunnar komust lífs af í skipsskaðanum. Alls fundu leitarmenn átta lík í flakinu í dag. Leitarmenn hafa funduð sautján af þeim 32 sem saknað er. 4200 farþegar voru um borð í skipinu. Skipið hafði villst um fjóra kílómetra af leið þegar það sigldi á rif í nágrenni við Giglio-eyju þann þrettánda janúar síðastliðinn.

Byrjað var að dæla olíu úr skipinu fyrir tveimur vikum, en búist er við því að það geti tekið aðrar tvær vikur – alls voru um 2.300 tonn af eldsneyti í skipinu. Skipstjóri Costa Concordia hefur verið ásakaður um manndráp af gáleysi, en hann var einn af þeim fyrstu sem flúðu skipið eftir að það sigldi á rifið.