Ölvaður og æstur maður var handtekinn við krá í Hafnarfirði eftir að hann braut rúðu í lögreglubifreið. Maðurinn hafði sest óboðinn inn í lögreglubifreiðina þar sem lögreglumenn voru við störf. Eftir að honum hafði verið vísað úr lögreglubifreiðinni hafði hann ógnandi tilburði í garð lögreglu og braut afturrúðu lögreglubifreiðarinnar. Í tilkynningu frá lögreglu kemur fram að talið sé að maðurinn sé skipverji á erlendu skipi.