Eldar loga í höfuðborg Grikklands og mótmælendur virðast ráða ríkjum á götum úti. Greidd verða atkvæði í gríska þinginu um vægast sagt umdeildar niðurskurðartillögur í kvöld. Niðurskurðurinn er ein af forsendunum sem Alþjóðagjaldeyrissjóðurinn og Evrópusambandið hefur sett fyrir frekari neyðaraðstoð við veikburða grískan efnahag. Mótmælendur eru hinsvegar harðlega andsnúnir þessum tillögum.

Kveikt hefur verið í minnst tíu byggingu í kvöld, kvikmyndahúsi, banka, verslunum og veitingahúsum, en engar fréttir hafa borist um manfall vegna mótmælanna. Tugi mótmælenda hafa hinsvegar særst í átökum við lögreglu sem hefur gert árangurslausar tilraunir til að hafa stjórn á mótmælendunum. Þá hafa einnig einhver fjöldi lögreglumanna slasast.

Lögreglan hefur beitt táragasi á mótmælendur sem hafa svarað með því að kasta grjóti og bensínsprengjum í átt að lögreglunni.