Tuttugu og sex létust þegar eldur kom upp á meðferðarheimili fyrir áfengis- og vímuefnasjúklinga í borginni Líma í Perú í dag.

Eldsupptök eru ókunn en samkvæmt AP-fréttastofunni er talið að allt of margir sjúklingar hafi verið inni þegar eldurinn kom upp. Í ofanálag var meðferðarheimilið ekki með rekstrarleyfi.

Heilbrigðisráðherra Perú sagði í samtali við fjölmiðla á sunnudag að erfiðlega hefði gengið að ná öllum út. Ástæðan hefði verið sú að sjúklingarnir hefðu verið læstir inni líkt og fangar.