Þúsund sokkapör voru send yfir landamæri Suður-Kóreu til nágranna sinna í norðri með blöðrum í dag. Tilgangurinn er að veita einhverjum norður-kóreskum íbúum tækifæri á að halda á sér hita eða hreinlega skipta sokkunum fyrir mat.

„Við viljum bara að fólkið í Norður-Kóreu fari í hlýja sokka yfir frosna fæturna,“ sagði talsmaður hópsins sem sá um að útbúa sendinguna. „Hlýir sokkar eru óalgengir og er hægt að skipta þeim fyrir peninga í Norður-Kóreu. Eitt par af sokkum jafngildir um 10 kílóum af korni, sem er nógu mikið fyrir einstakling í heilan mánuð.“

Mikil hungursneið er talin ríkja í Norður-Kóreu, sem er eitt einangraðast land heims. Til marks um neyðina hleyptu orður-kóresk stjórnvöld nýlega sendiferðabílum frá Suður-Kóreu inn fyrir landamærin með neyðarbyrgðir þrátt fyrir að löndin tvö séu á barmi stríðs.