„Skilningsleysi ríkisstjórnarinnar á ástæðum þess að heimili og fyrirtækja veigra sér við að fjárfesta kemur í veg fyrir að við komumst endanlega upp úr kreppuhjólförunum og endum í vítahring Japana,“ segir Lilja Mósesdóttir, þingmaður utan flokka, í grein í helgarblaði DV. Lilja fjallar í greininni um skuldastöðu heimila og fyrirtækja og aðgerðir ríkisstjórnarinnar.

Lilja gagnrýnir aðgerðir og aðgerðarleysi stjórnarinnar í greininni en hún segir meðal annars að skattahækkanir og sértækar skuldaleiðréttingar hafi magnað upp óánægju í samfélaginu. „Eftir hrun ákváðu stjórnvöld að millitekjuhóparnir greiddu fyrir hrunið og að fjármagnseigendur héldu eignum sínum. Frá hruni hefur síðan fjármagnseigendum verðið tryggð besta ávöxtun sem völ er á,“ segir Lilja einnig í greininni.

Áskrifendur DV geta skráð sig inn hér og lesið grein Lilju í heild sinni.