Framsóknarflokkurinn hefur gömul og þjóðleg gildi en hann hefur engu að síður tekið skref sem enginn annar íslenskur stjórnmálaflokkur hefur tekið. Flokkurinn hefur sent frá sér snjallsímaforrit sem gerir áhugasömum Framsóknarmönnum tækifæri til að fylgjast með öllu því nýjasta sem er að gerast í flokknum.

Forritið er í raun einföld efnisveita sem miðlar efni af vefjum flokksins. Það ætti því ekki að reynast öðrum stjórnmálaflokkum erfitt fyrir að koma með skemmtilegri útgáfu af snjallsímaforriti.